الاثنين، 28 مارس 2011

مشاعــــر مبعثرة ,.بكرة يجي !!




أعتذر للتدوينة الحزينة..
تدوينة من قلب محطم..سئم قسوة البشر
مجرد مشاعر مبعثرة ..تبحث سطور قد يكون بإستطاعتها إحتمال احزان قد لاتستطيع قلوب البشر تحملها..
سطور قد تستطيع تقبل حالة إنسانية رفضتها كثير من قلوب البشر

آه من هالزمن الغريب
تعبت ادور لي إنعكاس بعيونك يازمن وبمرايتي ..
وكل يوم أقول الله كريم وبكرة تهون..بكرة تهون..
ويجي بكرة وماسع غير صدى كلمة إنت بوهم ..وهدا جنون .
ماتدرون ..يالي حكيتوا ماتدرون..
من هالكلام ..في كثير من الاحيان اقول ماينلام
لأنه ماعاش بغربة جسد
واحيان كثيرة الوم ..
لأن قليل من التفهم ماراح يضرك ..
بالعكس بتفهمني وتفهم حالتي الأليمة الي ماتسر عدو ولاتسرك
مابي اكون إلا  جسد واحد..
مو غربة مشاعر وجسد رجل وعقل انثى ..
او جسد انثى بعقل رجل..
مابي اكون إلا جسد واحد..
عقل وجسد واحد ..
مابي اكون احساسيس وغربة مشاعر .
وجسد بصوب وعقل بصوب وكل واحد منهم متباعد ..!!
ليتك بس يازمن تشوفني مثل ما أنا اكون ..
بالصورة مثل ما انا اكون لي غمضت عيني ولقيتني وسط الجفون..
ياترى متى بكون ..متى بكون ..؟!
ويني أنا ؟؟
ويني انا ..
تعبن أصرخ يازمن كاني انا ..
انا فلان ..دور لي مكان..
بين الأورقة..
وبين الأوراق..
وإن كنت تحكم على الامور من كوكب المريخ ومن كوكب زحل ..
فتراني رجل..!!
إقتنعت ولا ما اقتنعت تراني رجل

ورفضك لي مايحرك فيني ساكن
مايحرك فيني  وربي ذرة رمل

ياماسك سلطة ومنصب
وتحسب إنك ملكت الكون.. تحسب!!
وإضحك على نفسك وإحسب
وربي فوقي وفوقك وبكل ظلمك ربي العادل يشوف ويحسب
وانا احسب فيك ربي وارجع وأحسب
مافيني ما اتمناه ولا حتى لعدو
لكن الدنيا تدور
وربي يمهل ولايهمل
وباكر الدنيا تدور
وادكرك بل هالسطور
واذكرك من انا ..
بكرة يجيلك ظنا ..
وفيه ماكان فيني انا ..
ووينظلم مثل ماظلمتني انا وغيري فيه
من ظلمك و جبروتك ومنصبك بشوفه لابد ظناك
يوم يتطبق عليه نفس القانون الي تطبق عليي وعلى غيري..
ويوم يجي على وجه هالدنيا ولا يلقا له بين هالورق وبين قانونك الي حفرته بالدستور  ولا يلقا له علاج
ومايندرا يومها بتكون انت هنا ولا مو هنا..
لكن بكل الأحوال .. باكر يجي واذكرك ..
وان ماكان ظناك بكون ترى  ظنا ظناك ولا ظناه ولا حتى ظنا ظناه !!
مهما صار ومهما كان لابد يجيي
لابد يجيي شخص منك وفيك وفيه مما فيه انا ..
ولا يلقى له علاج ..
أظلمني انا..ومن كاسك وقانونك جرمني ..إسجني .. وشربني من كاسك عنا
بكره يجي ..يجيك الظنا وفيه ممما فيه انا
وناطر انا يوم الحساب يوم العذاب تذوق من نفس الكاس المر ومن نفس الشقا ومن نفس العنا
وانا هنا ناطر انا ..
وغدا لناظره قريب .. وإن ماكنت هنا ..
غيري كثير ممن هم فيني ومني انا
بكره يجيي..ولا ينفعك الندم ..وناطر أنا..ناطر هنا
بكرة يجي..!

الله كريم الله كريم..
لي رب كبيــــــر ..ربي الكبير
يحدد لي مصير..


ملاحظة :
تحياتي بالطبع لكل إنسان في مشاعره ولكل من يتعاطف معنا كحالة إنسانية قبل كل شئ..شكرا من كل قلبي
سحقا للقلوب القاسية سحقا لكل إنسان يحمل في طياته كتلة من اللا إنسان !!
 
حقوق الطبع محفوظة لمدونة ترانسس هيلب كوم © 2006 من قلدنا عنى أننا نحن الأفضل..على فكرة ضعاف الشخصية سرقوا حتى كلمة حقوق الطبع التي كتبتها ..لاتعـــليق :)