الساكت عن الحق شيطان اخرس !!

hg
الساكت عن الحق شيطان اخرس

حاب اتكلم اليوم عن اهل الاختصاص الي عارفين بحالتنا وساكتين
وعارفين انه مرضنا ماله علاج سواء شاو انه مرضنا الترانسكشوال مرض نفسي فهم عارفين انه ماله علاج نفسي وصعب ومستحيل علاج هالمرض ب99 من الحالات وانه الحل الوحيد هو تحويل الجنس عشام المريض يرتاح من معاناته هذا في حال شافوه انه مرض نفسي غير قابل للعلاج

وبنفس الوقت حتا لو فهموا حقيقة مرضنا الترانسشكوال الي اهو اساسا مرض عضوي مو بس نفسي مرض عضوي بالدماغ عشام جذي عقل المريض يصنف نفسه على انه من الجنس الاخر بدون لايكون للمريض اي دخل بذلك

بالحالتين اهل الاختصاص من دكاترة نفس وشيوخ دين في منهم ناس وايد فاهمين حقيقة مرضنا ولكنهم موقاعد يتكلمون ليش لانهم خايفين خايفين من كلام الناس ونظرة الناس لهم !!وموخايفين من ربهم
خليهم ساكتين وخاشين حقيقة هالمرض
وماقول الا الساكت عن الحل شيطان اخرس

ليش ماتتكلمون ليش ماتقولون حقيقة هالمرض ليش ماتقولون انه فئة من الناس وهي فئة نادره مظلومة وهذول مومتشبهين ومرضهم عضوي بالدماغ او حتا لو شفتوه انه مرض نفسي فانتوا عارفين انه ماله علاح ليش ماتتكلوت وتقولون حق الدنيا كلها انه هالفئة من الناس مجحتاجة تحويل جنس ولازم الحكومة تعالجهم علاج تحويل الجنس الي اهو الحل الامثل لمشكلتهم!!

شبقولون الناس ؟
بهاجمونك ؟؟!ردوا عليهم وقولولوهم انهم مالهم حق وانه هالمرض مرض معترف فيه حالة اي مريض ثاني
يعني يقدر اي شخص اذا مرض مايتعالج!!تقدرون تمنعونه من العلاج !!اكيد لا
عيل ليش ماذينا وليش مانعينا من انه نتعالج ترا الصحه نعمه والعقل نعمه والله عطا الناس نعمه العقل ولازم الواحد يحكم عقله قبل لايحكم
يعني انت مرتاح وعيش حياتك بشكل طبيعي ليش تمنع عنا هالشييي

انا ماتمى الي فيني وفينا يكون باي احد
بس الله مايطق بعصا ومصير الدنيا تدور بوتعاني ومحد بحس فيك
ولاممكن يصير هالمرض باحد من عيالك ولا عيالك عيال اذا مو الحين وانت عايش يمكن بعدين لما تتوفى عيال عيال عيالك يصير فيهم هالمرض كل شي جايز ليش الله لايقول لو صار باحد من اهلك فيه هالمرض ليش مايكون زاهب له العلاج !!
ليش يقعد ضايع وعايش بعذاب والناس تظلم حالته مثل ماصاير فينا الحين!!

حسبي الله ونعم الوكيل
والله ياخذ حقنا انشالله من كل شخص قادر انه يقول كلمة حق بحقنا بس ساكت

سواء كان شخص عادي

سواء كان مسئول

سواء كان دكتور فاهم بمرض الترانسشكوال ولكن موقاعد يقول انه هالمرض لابد فيه من تحويل الجنس
يعني دورك ك دكتور مو زلام تفتي حلال ولا حرام ولكن لازم تقول بتقرير المريض انه في اظطراب بالهوية الجنسية ولابد من تحويل الجنس عشان يرتاح المريض

سواء كان شيخ دين فاهم هالمرض وموقاعد يفتي بانه حلال الواحد يسوي العملية لو حالته احتاجت وكانت من الضرورات وبهالحاله الكل عارف الضرورات تبيج المحظورات وحالة المريض بهالحالة من الظرورات لانه هالك اذا ماسواها وفيه خطر على حياته وممكن ينتحر او يصير فيه اكتئاب والخ اذا ماسوا العمليه وعاش حياه بشكل طبيعي


نصيحه لكل شخص قادر يقول كلمةحق عن حالتنا راجع نفسك وحط ربك جدام عينك وقرر
انت يا دكتور درست طب وعلم وانت دارس ولازم تقول وان خشيت كلمة واحده من هالعلم راح تتحاسب
خصوصا انت يادكتور يادارس مثل هالامور يعني انا اشوف انت تتحمل مسئولية كبيرة وايد لانك انت الي راح توصل المعلومة حق شيخ الدين وتقوله انه حالة هلامريض محتاه تحويل جنس
وهو بعدين يقرر..ولازم يقول شيخ الدين انه العملية حلال لو راي اهل الاختصاص من دكاترة نفس يقول جذيي لانه في رفع عن معاناة مريض

وانت ياشيخ الدين درست علوم الدين وعارف بمثل هالامور وعارف انه الضرورات تبيج المحظورات فان خشيت هالشي راح تتحاسب اذا ماوضحته للناس


وانت يا الشخص العادي يالي قاعد تقرا حروفي وكلامي انت بالنهاية انسان وعندك عقل وقاعد تقرا وتفهم وتمر عليك هالسوالف كلها
انت بعد راح تتحاسب على كل كلمة تقلوها او تظلم فيها ناس نفسنا
وغلط تصنفونا مع هالشواذ من هالبويات والجنوس والترفين الي قاعد يتصنعون هالشييي هذول شواذ لكن احنا غير
هذولي شواذ والدليل يتشبهون شويي بالجنس الاخر شكليا ولكن لايتمنون ان ينتمون فعليا للجنس ااخر او يسون عمليه وغيره

وكلمة شكر اقولها حق كل واحد قال كلمة الحق بقضيتنا وماخاف ملامة لائم ولاحط جدام عينه الا ربه وقال الحق انتم من يهون علينا معاناتنا فشكرا لكم

وحسبي الله ونعم الوكيل على كل واحد خش حقيقة مرضنا على الناس والساكت عن الحق شيطان اخرس
فالله ينتقم من كل شيطان اخرس