التراسكس الترانسكشوال...وموضوع الهرمونات حقيقه ام وهم؟؟؟

التاريخ الفعلي لكتابة الموضوع الثلاثاء, 11 نوفمبر, 2008

في شخص حدث بيني خلاف وتم حله ..وهو شخص لديه نفس مشكلتي
والله يحل مشكلته انشالله يارب اهو وكل الي مثل حالتي وحالته وهو اذا ريال ريال باحساسه ورجولته شي داخلي فيه وغريزي سواء كان فيه هرمونات ذكورية ولا لاوالدليل لو لو تعطونه هرمونات انثوية هل راح يقلب بنت اذا قلب بنت فمعناه اهو بالاساس اصلا كان بنت ومشكلته كانت بسيطة بس اذا ماقلب بنت فمعناه انه اهو ريال سواء خذا هرمونات ذكورية ولا خذا هرمونات انثوية ماراح تفرق معاه واهو يقول واهو ادرى الناس بنفسه انه حتا لو خذا هرمونات انثوية طبعا ماراح يتغير لانه احستسه رجل فيعني خلاصه الكلام انه اهو رجل بشخصيته واحساسه وميوله الجنسية وكل شييي وموضوع الهرمونات ممكن يكون عامل وايد مساعد حقه لا اقل ولا اكثر وانشالله يستفيد من هالنقطه وتكون عامل مساعد حقه بقضيته وتنحل مشكلته يارب
اهو حالة نفس حالتي رجل محبوس بجسد فتاة رغم انه يقول في هرمونات ذكورية ..
والرجولة مثل ما انتوا عارفين مو بعضو ذكري ولا هرمونات حتا يعني فيه ولا مافيه هرمونات خلاص اهو ريال اذا حاس انه ريال
يعني الهوية الجنسية بالشخص لا تحددها الاعضاء او الهرمونات

وفي ناس بعد ممكن تقول انه الي فيهم هرمونات خل ياخذون هرمونات ثانية الي اهيا نفس جنسهم ويتعالج و وخلاص بس هالشي غلط.. مثلا اذا شخص نفس حالتي ( ترانسكس فيميل تو ميل) حاس انه ريال وفيه هرمونات ذكورية ايضا اضافه الى مشكلته الي اهيا اظطراب الهوية الجنسية الترانسشكوال فالبعض يشوف انه خل ياخذ هرمونات انثوية وخلاص وراح يحس انه بنات ههه تفكير غريب !!
والعكس صحيح ايضا بحالة الشخص الي يكون رجل محبوس بجسد بنت ( حالة الترف الناعم الي يحس انه بنت) وايضا بالاضافه الى ذلك يكون في هرمونات انثوية حلو فبعض الناس ممكن تشوف الحل انه ياخذ هرمونات ذكرية راح تعالجه وتخليه ريال!!!
لاتعليق ...هذا تفكير بالله او هذا حل ينفع مع الكل !!!ماانكر في حالات ووايد حالات يمكن يكون اعطائهم الهرمونات البديله يخليهم يحسون بانتماء لجنسهم الي اهم عليه يمكن ماانكر هالشيي ...ولكن في ناس ماينفع معاهم العلاج بالهرمونات لانه اساسا الي مخليهم الشخص يحس انه ريال مو بنت بحالة (البويه) مخهم وغريزتهم واحساسهم الداخلي مو هرموناتهم
ولا اعضائهم حتا الي تحكم او الي مخلي الشخص (الي يكون رجل ويشعر انه بنت) مو الهرمونات الانثوية الي فيه لو كان فيه ولكن عقله ..الهرمونات تاثر بس مو حيل وتاثر عالشكل ولكن ليس على الميول الجنسية ..
والهرمونات والاعضاء ماتكون هي العامل الرئيسي الي يحدد وانتماء الشخص لجسنه شنو وانه لا الهرمونات ولا حتا الاعضاء ممكن تحدد هوية الواحد الجنسية شنو تدرون ليش ؟!

اعطيكم مثال وايد بنات حرام فيهم هرمونات ذكورية وبنسبه عالية وتلاقي جسمهم وويهم حرام كله شعر حلو...ومع هذا تلاقييييهم متضايقين من هالشيي واحاسهم الداخلي انهم بنات وكلهم انوثه وكارهييين هالشي ويروحون يشيلون الشعر بالليزر وغيره...يعني بنات ويحسون بانتماءهم لجنسهم على انهم بنات رغم انه فيهم هرمونات ذكورية...!!!

شفتوا يعني الهرمونات مو مقياس ومثل ماقلت جان كل البنات الي فيهم هرمونات انثوية قلبوا شباب صح ولا لاوالعكس صحيح بحالة الترف ممكن تلاقي واحد عنده هرمونات انثوية زايده شوي ولكنه ريال واحساسه ريال عادي ويمكن مايطلع له شعرباللحيه او الشارب بس تاقيه يروح يعالج وجذيي بس ماقلب بنت لانه اهو احاساسه من داخل رجلالهرمونات لها دور وتاثر بس مو كثر المخ
خلاصه الكلام

يعني لاتحكمون على الشخص الي فيه هرمونات انه والله مشكلتك بسيطة وروح تعالج بالهرمونات وخلاص ...لانه مو هذي المشكلة ولا الهرمونات الي مخليته ريال الي مخليه جذي اهو احساسه الداخليي قبل جذي ولاتحكمون بعد على الي مافيه مشكلة هرمونات وعنده مشكلة اظطراب بالهوية الجنسية وماقدر يعالجها هذا بعد لاتحكمون عليه انه والله لا روح تعالج وخلاص وانت مافيك عيب خلقي ولا حتا هرمونات !!!لانه مثل ماوضحت مو مقياس ابدا والرجولة او الانوثه احساس داخليي وغريزة بالفطرة محد يقدر يغيرها

والمشكلة الاكبر انه حتا الي فيهم عيب خلقي احيانا صعب احد يفهمهم ويتقلبهم مثلا كونهم انجبروا يعيشون بجنس معين لانه الاهل فضلوه او اعتقدوا انه منه ولكن اهو احاساسه من الجنس الاخر ولما يكبر تكبر الفجوة معاه وتبدي المشكلة ماينتهي حلها اكيد الا بتعديل الجنس اذا سمحت ظروف الواحد والله وفقه وساعداه بهالشيفاذا الي فيهم عيب خلقي مو سالمين من الناس ولا كل الناس تفهم اهم شنو ف بالللله احنا بنسلم ؟؟؟اكيييد لا واذا مو كل الناس تفهم مشكلة العيب الخلقي وانه لازم يسوي العملية ويرتاح وايد ناس موراضين للحين يفهمون هالشيي بالله بيفهمون حالتنا اكييد لا واكيد بتكون في ناس وايد مو فاهمتنا احنا بعد يالي فينا مشكلة هرمونات او فينا اظطراب بالهوية الجنسية وجربنا العلاج وماقدرنا
بالاخير ماقول الا دعوا الخلق للخالق ومدام الشرع والدين يقول العملية حلال ليش تحرمونا من حقنا كمرضى عشان العادات والتقاليد وكلام الناس ؟؟؟!!!!!!!!

ترا كل واحد بيتحاسب سواء المجتمع الاهل المسئولين وكل واحد يمنع عنا حقنا ويقول لا وحرام وغيررررره او بعضهم يقول مو حرام بس فضيحة وفشلة !! احب اقول حق هالناس الي تحكم علينا بدون وجه حق ترا كلكم بتتحاسبون حتا انتوا يا الاهل اذا ولدكم او بنتكم جذي لازم تشوفون لهم حل وتوقفون معاهم مو مع الناس بالاول والاخير هذول عيالكم وهذا ولدكم او هذي بنتكم المفروض اهم الاولى واهم الاحق مو الناس ولا المجتمع وكل مسئول ترا محاسب واتمنى من الناس الي معترفين بحالتنا مايخافون من قول كلمة الحق ويقولون عن حالتنا امام الملامو يقول عارفين انتوا مرضى وحالتكم جذي وجذي والعملية اصلا حل لكم وجدام الناس يقولون لا وحرااااااااام

اما كل مسئول قالها بينه وبين نفسه وبين الناس الي نفسي او قالها جدام الكل وماخاف لومة لائم بما انه قاعد يقول الحق وموخايف الا من ربه فالى كل مسئول سوا هالشي اقولها شكرا وعلى راسي والله يجازيك كل خير ويحل لك مشكلتك مثل ماحاولت تحل مشكلتنا لو بقرار او حتا بكلمة فاقولك شكرا

دعو الخلق للخالق وخلونا نعيش...مثل ما احنا نبي ومثل مااحنا حاسيييين خلونا نسوي العملية وحطولنا قوانين ومركز علاج يدرس حالتنا ويفرق بينا وبين المتشبهين ويحدد منو يستاهل العملية ومنو لا ويتحدد وضعنا ونرتاح