حياكم وين تبون اودييييكم ?ركبوا ورا وربطوا حزام الامان :)
شلونكم شخباركم
شلونكم ويا الصيف؟
الي مسافر يروح ويرجع بالسلامه
والي قاعد بالكويت ..شمسوييي ويا الجو البديييع ..
في ناس وايد تسافر بكل المواسم سواء بالصيف او بالشتا حتا..والغالبية يقولون وين نروح
شرايكم بهالموضوع
انا برايي الشخصي فعلا كسياحة بالنسبة لاماكن طبيعيه وجبال والخ من هالامور صح ماعندنا
واماكن ترفيهيه مقارنة بباقي الدول هم ماعندنا
بس شنو عندنا؟
بغض النظر عن باجي الدول شنو عندنا هنيي بالكويت وشنو الواحد يقدر يسويي او وين يقدر يروح اذا حب يعرف شيي عن ديرته حقه اهو اذا موناويي يسافر مثلا وحاب يشوف ويزور اماكن مازارها بالكويت ولامرة او مازارها من زمان..
وفي اماكن ترا حلوه بس احنا ماندري عنها كمواطنين او كمقيمين بالكويت محد يدري عنها والله ودابيما نقول ماكو شي بالكويت !!مع انه عندنا اماكن وايد حلوه ممكن الواحد يشوفها
فممكن انك تزورها او على الاقل تعرفها اذا يولك ضيوف من برا الكويت مثلا تعرف وين تودينهم وتقولهم شنو عندنا بالكويت
حبيت انقل طرح هالموضوع والي حاب يشارك باماكن حلوه وحاب يقترحها علينا حياه الله
وحبيت لكم هالموضوع وانشالله يعجبكم
بالصدفه ذالك اليوم شفت كتيب صغير فيه الأماكن السياحية الموجوده بالكويت ..
قعدت أتصفح الكتيب وتفاجأت بالكثير من الأماكن اللي ما تخطر عالبال إنها تكون سياحية أو على الأقل إحنا كمواطنين أو مقيمين بالكويت نكون زايرينها ولو مره وحده ..
ساعات الواحده يكون عنده ضيوف أجانب أو عرب من دول ثانية زاير الكويت .. تحتار وين توديه ...
دايماً نقول " ماكوشي بالكويت!!!"
أنا كنت أقول جذي ...بس عقب اللي عرفته ..ألحين أنطر إييني ضيف عشان أوديه أماكن وايده وحلوه خلوني أقولهم لكم باختصار شديد .. وتقدرون تطبعونهم " print out" وتخلونهم عندكم بالبيت ..
وتتشاورون مع أهلكم وتتفقون تروحون كل أسبوع مكان ...
منها تتجمعون مع بعض ومنها تشوفون شي يديد بالكويت ..
الأماكن التاريخية والقديمه :
أبراج الكويت - المسجد الكبير - برج الاتصالات - قصر السيف الحديث - مبنى مقر الدائم للمنظمات العربية - مركب الهاشمي الثاني - قرية يوم البحار - نوادي اليخوت - محميات جابر الكويت البحرية - القصر الأحمر - بيت ديكسون - قصر السيف العامر - بيت البدر - بيت السدو - بيت لوذان - بوم المهلب - جزيرة فيلكا - متحف الكويت الوطني - دار الآثار الاسلامية - متحف طارق رجب - المتحف البحري - متحف شركة النفط - متحف محمد الشيباني - بيت الكويت للأعمال الوطنية - بيت القرين - متحف الفن الحديث - المدرسة الشرقية للبنات - متحف التراث الشعبي
الأماكن العلمية : المرسم الحر- مكتبة البابطين - المركز العلمي
الأماكن الترفيهية: حولي بارك - منتزه الشعب الترفيهي - صدق أو لاتصدق - منتزه مرح لاند - المدينه الترفيهية - صالة التزلج على الجليد - حديقة الحيوانات - النافورة الموسيقية - الغابة الصغيرة - الأطراف لسباق الهجن - الأكوابارك - نادي الصيد والفروسية - المرح في البر - قرية المسيلة المائية
المنتجعات : منتجع هيلتون الكويت بالمنقف - منتجع كيمبينسكي الجليعة - منتزة الخيران - منتجع شيك - منتجع الدانه - منتجع جون - منتجع الوطنية
المجمعات التجارية: سوق الجمعة - سوق الحريم - سوق الذهب - سوق الزل - سوق السمك - سوق غربللي - سوق واجف - سوق الخضرة - سوق التمور -سوق البشوت إن شالله الكل يستفيد من هالأماكن - يمكن البعض يعرفها بس ما تخطر على باله يودي أهله ..جربوا ..أكيد بتستانسون تحياتي
وهذا ماراح يكون اول واخر موضوع بخصوص الاماكن بالكويت والسياحة فيها ترقبوا اليديد :)
ها بعد الي شفتوه للحين تقولون ماكو مكان بالكويـــــت :) ؟!
صج انه الصج ينقال وشوفوا غيرنا وين واحنا وين وناقصتنا وايد امور في مجال السياحة .. لكن مثل مايقولون الجود من الموجود :)
وحبيت أنقل هالموضوع عشان الفائدة سواء لنا أو عشان اذا في أحد منا يايله ضيف من خارج الكويــــن وجاب يروي أهم وأبرز المعالم في الكويت التاريخية أو السياحية.
