الأربعاء، 1 يوليو 2009

قصة رجل مسجون بجسد فتاة عبد الرحمن

التاريخ الفعلي لكتابة ونشر الموضوع 08 سبتمبر, 2007 02:07 ص

عبد الرحمن من الكويت وقت التعليق 08 سبتمبر, 2007 02:07 ص
السلام عليكم مشكووور اخوي سالم عالسايت الروعه.. واللي صج بيخفف علينا شوووي..
لأن محد بيحس في معاناتنا الا اللي مجربها.. انا ودي اقولكم حالتي.. انا من كنت صغير وانا اميل بشدددده للبنات وعمري ما حبيت ولد او فكرت احب ولد.. وانا حبيت بنت وودي اتزوجها بس طبعن اهلها واهلي ماراح يوافقون مع العلم ان هالبنت موافقه.. وانا مادري شسوي هل انا فتاة ام رجل ؟؟ في طفولتي كنت محتار ليش انا احب البنات بس لمن كبرت عرفت الاجابه.. تخيلوا حتى سوالفي سوالف شباب..صوتي صوت ولد..لدرجة ان ابوي مايفرق بين صوتي وصوت اخوي اذا دق عالبيت.. والحين اهلي شادين علي شوي من ناحية اللبس والشعر..مايرضون اقص شعري بوي ليش لأن اذا قصيته ماراح يفرقون بيني وبين الولد !!
صدقوني هالحاله اعاني منها من كنت صغير تقريبا من عمر 6 سنوات.. بعرف شالحل ؟؟ هل الدين محلل هالشي ؟؟ والله انا خايف من ربي ومادري شالحل ؟؟ تتوقعون لو اروح لطبيب نفسي راح احس بأنوثتي اللي عمري ماحسيت فيها ؟؟ او اتزوج رجل ؟؟ واذا تزوجت هل راح احس بهالانوثه ؟؟ على فكره انا عمري 19 اتمنى انكم تردون علي لأن حيييل محتار.. تحيااااتي للجميع عبدالرحمن

رد صاحب المدونة سالم
هلا فيك اخي الغالي
الري الفاصل في تشخيص حالتك هو الدكتور النفسي
يعني لازم تروح تتعالج عند دكتور نفسي يكون فاهم يعني شنو اضطراب الهوية الجنسية..وهو يقرر حالتك شنو واذا كانت حالتك اضطراب بالهوية الجنسية ولا لا ..يعني كخطوة اولى انصحك بفتح ملف بالطب النفسي لانه معترف فيه عندنا هنيي من قبل الحكومة يعني في حال انك قررت تسوي العمليه لو ثبت انك حالتك محتاجه هالشي حلو وكان معاك تقرير من الطب النفسي فيكون اقوى..واذا موحاب تفتح بالطب النفسي على الاقل باي عياده المهم شي يثبت حالتك شنو وعشان انت تعرف انت شنو وترتاح يالغالي..وسالفه انك اذا تزوجت هل ممكن تحس بالانوثه او ا فهذي مادري عنها والله لانه كل حالة تختلف عن حالة ...في حالات الي فيد معاهم العلاج النفسيي ممكن يفيد معاهم الزواج بعد ولكن بع العلاج النفسي الي يردهم بنات..اما اذا كان الشخص فيه مرض اضطراب الهوية الجنسية وعقله متصنف على انه من الجنس الاخر فلايفيد معاه لازواج ولا غيره سواء كان بنت او رجل..يعني اذا كان رجل حاس انه بنت وفيه مرض الترانسشكوال فماراح يحس باي لذه جنسية ك رجل لانه عقله بنت..والعكس صحيح بحالة البنت الي جسمها بنت واحساسها رجل وفيه مرض اضطراب الهوية الجنسية وفماراح يحس بلذه الانثى حتا لو تزوج لانه عقله يحس باعضاءه وجمسه ورغبته الجنسية على انه رجل!!
فماقدر افيدك بهالشي عرفت ..لازم تبلش الخطوة الاولى بالعلاج عشان ترتاح وتعرف انت شنو واكرر اهم شي يكون عند دكتور يكون عارف يعني شنو اضطراب الهوية الجنسية يعني من اول جلسه قوله شرايك بمرض اضطراب الهوية الجنسية وهل كل حالات اضطراب الهوية الجنسية لها عاج ولا لا ؟
اذا قالك كلها لها علاج ومن هالحجي الفاضي فهذا يعني موفاهم شي..واذا حسيته فاهم هالمرض استمر وياه والله يوفقك وتعرف انت شنو وترتاح وطمنا عليك وقولنا شصير وياك يالغالي

اخوك صاحب مدونة ترانسس هيلب كوم سالم

هناك تعليقان (2):

غير معرف يقول...

بصراحة مب عارف شو أجول لأني أعاني من نفس المشكلة يعني رجل محبوس في جسد فتاة من34سنة وأنا أعاني وأصرخ وأجول لكن ماحد حاس فيني وبعدني مصر على موقفي لأني متأكد من نفسي ولو أوقف جدام اعلى سلطة فبلادي بجول اني رجل بس المشكلة ماحد راضي يصدج ودولتي ماتعترف بهالأمور ولو لجأت للقضاء بتكون مصيبة وأهلي بينفضحون جدام الناس وأهل البنت إللي أحبها مستحيل يزوجوني اياها..أرجوكم ساعدوني وعطوني حل في مصيبتي إللي ماطايل فيها لا سما ولا أرض.....نواف

غير معرف يقول...

وانا نفس الحاله عمري الحين 31 وللحين اعاني للعلم اني رجل محبوس في جسد بنت

وتزوجت عشان اثبت لنفسي اني بنت مو ولد وجبت بنتين واقسم بالله وصل فيني اني ابكي واصارخ واضرب نفسي وللعلم لا اميل لا للبنت ولا للولد من الناحيه الجنسيه و تطلقت وزادة حالتي ابي ارتاح ابي اطلع من جسد البنت المحبوس فيه حتى اميل للعب العيال ومغامراتهم واحب طلعاتهم وابي اطلع من السجن الي انا فيه قسم بالله انا رجل محبوس في جسد حرمه وطول العمر بحلف اني محبوس في جسم بنت لدرجه الكل واولهم ابوي يقول نشميتي مثل نشميت الرجل حرام اكون بنت ...ابي احد يساعدني لان يوم من الايام بموت من القهر

 
حقوق الطبع محفوظة لمدونة ترانسس هيلب كوم © 2006 من قلدنا عنى أننا نحن الأفضل..على فكرة ضعاف الشخصية سرقوا حتى كلمة حقوق الطبع التي كتبتها ..لاتعـــليق :)