الأربعاء، 3 يونيو 2009

للي موعاجبه

هذا من اول المواضيع الي كتبتها بالموقع سنة 2006 على مااذكر
للي مو عاجبه
وهم زدته عليه بشوية امور سنة 2007 لما حبيت اكتب كلام بنفس العنوان الاحد, 28 اكتوبر, 2007

اليوم بتكلم على الناس اليي موعاجبها حالنا وهالموضوع مو يديد بس حاب اتكلم عن نقطة بشكل اكثر بقولكم شغلة قولكم مثل مااللله خلق ناس فيها عيب ومرض خلقيي ...
اللله قادر بعد يخلق مثلنا عندها مرض عضوي (لانه مرض الترانسكشوال مرض عضوي بالدماغ )وممكن تكون محتاجه تصحيح جنس لكثير من الحالات عشان الواحد يرتاح ويقدر يمارس حياته بشكل بطيعي...انا عندي هذا الحل الي هو تصحيح الجنس افضل من انه الواحد يعيش حياته جذي ضايع يحس بشيي وجسمه وجنسه شي ثانيي وهم فوق كل هذا الناس اغلبهم ماراح فهمون ويعتبرونه شاذ!!!صح ولا لا!!!
مو تغير الجنس اذا كان المريض مريض بمرض عضوي ومحتاجه حالته تصحيح الجنس وتكون حلال على فتوى من علماء الدين لانه مريض اظطراب الهوية الجنسية ماراح يرتاح الا بعمل تصحيح جنسه والا كان فيه الهلاك له...

ومن يقول انه لا علاقة للاسلام بالموضوع فانا اقووووووووله روووووووووح موووووووووووووت وايد احسن لك ..وانت ماراح تعرف بالدين اكثر من علماء الدين قبل ماكان في تصحيح جنس وماكان هالمرض معروف وبعدين ظهر ...واي شي يظهر لازم علماء الدين يجتمعون ويحطون له حل صح ولا لا؟؟؟؟
وعلماء الدين اجتمعوا عدد منهم وقالوا انه مرض اظطراب الهوية الجنسية مرض صعب علاجه ومستحيل وانه هالمريض حلال يسوي العملية لتصحيح الجنس اذا كان علاجه صعب ومستحييييييل..
واللله يغفر له انشالللله عرفت ياليي تقول الاسلام ماحلل هالشييي .انا مادعيي على احد بس والللله الناس اليي مافيهم شي لو الللله عطاها بنت مثلنا تحس انه رجل ..او لو اللله عطاهم ريال يحس انه بنت ويكون هالريال ولدهم هني راح يحسون بهذي المعانا

والللله راح اتم اكتب عن مشكلتنا مهما كان واخليي صوتي يوصل اخر الدنيا..وعزائيي الوحييد والشي الوحيييد يرحينيي ومريحنيي انه فييييييييي وااااااااايد ناس وفئة كبيره قاعد تتفهم مشلكتنا وتتعاطف معانا وتحس فينا وتايدنا

فالى كل الاشخاص الي عندهم هالمشكله اوجه لكم رسالة واقولكم تحملوا وحاولوا المستحيل عشان تعدلون وضعكم وترا في جمعيات حقوق انسان ودنيا ثانية برا عند الدول الاجنبية وحاولوا توصلون لهم باي طريقة حتا لو تسافرون لهم وانشالله يقدرون يساعدونكم..والي مايقدر يعتمد على روحه وهم انشالله يوصل للي يبيه ..
وحاولوا تعدلون وضعكم باحسن طريقة ولا احد يقول واللله اهليي يذبحونيي والمجتمع والناس والخ ...
صدقونيي كله حجيي ولو انذبحنا صج لنا الجنه انشاللله والجنه وايد احسن من هالدنيا ومن هالفئة من الناس الي ماتفهم ولاتحس بمعاناتنا واللله انا كنت اقول اني بسويي العملية وانحاش من اهليي وبسوي العملية ببجمع فلوس وبسويها انشاللله رضوا ولا مارضوا بعدين مع الكبر بالعمر والاعتماد على النفس والحمدالله شفت انه ليش كل هذااااا وليش كل هالتفكير

اقدر اسويها واقعد بديرتي اذا ابيي او اسافر المهم انا اقرر ولا احد له عندي شي
والحين هذا الي صار
والحمدالله قرار عمل تصحيح الجنس بيدي
ووالاهل كلهم عندهم علم بمشكلتي وعندهم علم ايضا انه عندي مشكلة الترانسشكوال وانه مشكلتني محتاجه تصحيح جنس واني انشالله بسويها
بالرغم انهم مابين مؤيد ومابين معارض الا انه بالنهاية القرار بيدي وبقرر وبسوي العمليه باذن الله

بذمتكم شنو اكثر شي يبط الجبد من واحدعباله الرجولة بالي بصرواله وبعضوه الذكري فقط ؟؟؟
او انه الانوثة ليست الا ان يمتلك الشخص صدر ورحم؟؟؟
ترا والله اغلب الي لا يوافقون على العملية رفضهم ظاهري فقط
تبون دليل
اغلب الاهالي لا يوافقون ان تجلس بنتهم مع فتاة اذا كانت مسترجلة وحيالله بويه فمايالكم لو كان الشخص اكبر من مجرد بويه وويحس انه رجل بكل معنى الكلمة ومفكر جديا بعمل عملية تصحيح الجنس؟؟اكيد بيرفضون بنتهم تقعد وياه وهذا اعتراف منهم انها رجل 100 بالمئة وهذا اعتراف من الناس برجولتها غصبن عنهم حتى انت يالي قاعد تقرا ومو عاجبك لا واليي ضحك انه فيي واحد تافع ارسل رسالة تقول انه الاهل مايرضون بناتهم يقعدون مع البويات عشان التهور وانه يخافون يصير شيي لووول ..موهذا نفس السبب اليي مايخليي الاهل يرضون بناتهم يقعدون مع اي ريال غريب عشان هالسبب!!! :)وهذا اهوا اعتراف برجولة الناس الذيم هم في مثل حالتي

جديد:ساعات الواحد يكون فاضي وماعنده شي وماله خلق ويدزله واحد تافه ايملييي يخليييه يفصل من الضحك سمعوا الاخ التافه شنو دازليي"يقول الله يسلمكم انه الاهل مايرضون البوية الي مثل حالفتنا طبعا وتكون ريال انها تقعد مع بناتهم عشان يخافون من التهور اليي ممكن يصير..وهذا التهور اليي يقصده الاخ خروفنا يقصد بكلمة التهور رجولة هذا الشخص الي مثلنا...لووووووول مو هذا المقصود ياحبيبييي انه الاهل مايضرون عشان يخافون من هالشي وانا شقلت غسير جذيي...يعني باللله الاهل ليش مايرضون بناتهم يكمون ولا يطلعون مع شباب مو عشان نفس السبب يخافون من التهور ويخافون على بناتهم...فهمت ياشاطر الحمداللله والشكر...لووووووووول لاا بس جد ضحكتنييي واكثر من هالحجيي ماكو ...ولاتعليييييييييق
:)
الكلام للي مو عاجبهم طبعا
نفس الشي للمراة التي لا تعترف بانوثة الرجل الناعم تلاقي اذا ريلها قرب يم واحد ناعم تلاقها تموت بمكانها ولا تقوله لا تروح صوبه وهذا اعتراف منها ومن غيرها بانوثته
:)
ودليل على انه الهوية الجنسية لا تحدد بالشكل فقط
متى بس ياناس بتواجهون الواقع وتعترفون انه هناك مشكلة (اظطرب الهوية الجنسية) وانه تصحيح الجنس هو الحل الوحيد لها
والي يعانون اقولهم تحملوا وصبروا على الي انتي وفيه وحاولوا تسون الي يرضي ربكم ويرضيكم بعيد عن راي الناس الي المشي ورا رضاهم مامنه فايدة والواحد يدور الي يريح باله لو على حساب شنو ماكان
المهم يكون السي الي يبيه ي مرضاة لله ورسوله وان يمشي على نهج الرسول وال بيته ويكو الشي الي يبيه حلال

ليست هناك تعليقات:

 
حقوق الطبع محفوظة لمدونة ترانسس هيلب كوم © 2006 من قلدنا عنى أننا نحن الأفضل..على فكرة ضعاف الشخصية سرقوا حتى كلمة حقوق الطبع التي كتبتها ..لاتعـــليق :)